انا عندي مشكلة كوليّ امر مع المعلمين عموما ان كل معلم عاوز يطّبع الطفل بطباعه وناسي ان له اسرة و بيعيش في مجتمع و له سلوكيات مستقلة كمان طبعا المشكلة من تأثر الطفل بالمعلم ده ماقدرش اعترض عليه لان ده معلم ناجح المشكلة في الفرض القسري مثلا الاستاذ س رجل حنجوري بيشرح من فصل 1/1 يسمعوه في 3/7 لازم الطفل ينعّر طول ماهو بيكلم الاستاذ س والا يكون طفل غير لائق حنجوريا ومدلل وخانع ومشروع شاذ الاستاذ ص ارستقراطي و متربي في مجتمع راقي ومرفه يعتبر الولد لما يخبط زميله بكتفه مجرم يجب وضعه في مؤسسة عقابية لانه بعد يومين حيصعب السيطرة عليه الاستاذ ع راجل متدين و مش بيفوت فرض ازاي الطفل في الفسحة كان بيلعب وتغيب عن صلاة الضهر وقس على كدة سلوكيات كتير بيحاول مدرّسين فرضها على الطلبة لانها تماثل سلوكياتهم الشخصية انا محتاج من المعلم انه يمتنع عن فرض ثقافته الشخصية على طفلي |